Kecha Maktabgacha va maktabgacha ta’limi vazirligi tomonidan Din ishlari bo‘yicha qo‘mita bilan hamkorlikda xodimlarning diniy-ma’rifiy tafakkurini yuksaltirish maqsadida “Jaholatga qarshi – ma’rifat” g‘oyasi ostida targ‘ibot-tashviqot tadbiri o‘tkazildi.

Tadbirda vazirlik markaziy apparati mas’ul xodimlari hamda tizim tashkilotlari rahbarlari ishtirok etdi.

Dastlab, Maktabgacha va maktab ta’limi vaziri o‘rinbosari Farhod Boqiyev yurtimizda hukm surayotgan tinchlik-osoyishtalik, farovonlik va barqarorlikni yanada mustahkamlashda ma’rifiy Islomning o‘rni beqiyosligi borasida o‘z fikrlarini bildirib o‘tdi.

So‘ngra Din ishlari bo‘yicha qo‘mitasining mas’ul xodimi Ilhom Ma’rupov Islom dini ta’limotining bag‘rikeng va moʻtadil, mehr-oqibat, odob-axloqqa yo‘g‘rilgan tinchlikparvar g‘oyalari borasida so‘z yuritdi. 

Tadbir so‘ngida insonlarni ezgulik yo‘lida birlashib, hamkor va hamnafas bo‘lib, taraqqiyotga g‘ov bo‘ladigan turli shakldagi to‘siqlarga qarshi ma’rifat bilan kurashish mavzusida fikr almashildi.