Nomzod haqidagi ma’lumotlar belgilangan tartibda o‘rganib chiqilgach, ma’lumotlariga ko‘ra talablarga javob beradigan nomzod suhbatga taklif etiladi. Tegishli rahbarlar bilan suhbatdan muvaffaqiyatli o‘tgan nomzod maktab direktori bilan shaxsan suhbatdan o‘tadi.

Saralash va suhbat bosqichidan muvaffaqiyatli o‘tgan nomzod bilan mehnat shartnomasi tuziladi va uni ishga qabul qilish to‘g‘risida maktab direktorining buyrug‘i qabul qilinadi. Nomzodning tayyorgarligi va malakasidan kelib chiqib, maktab direktori tomonidan 3 yoki 1 oylik sinov muddati belgilanishi mumkin.

Ishga qabul qilingan xodimga barcha ish sharoitlari yaratib beriladi. Xodimning ijtimoiy himoyasi qonunchilikda belgilangan tartibda amalga oshiriladi, uning manfaatlari kasaba uyushmasi tomonidan himoyalanadi.